Могилёвский областной исполнительный комитет Могилевский институт МВД Республики Беларусь

Чарадзейная сіла мастацтва

Сапраўднае мастацта заключаецца ў тым, каб знайсці незвычайнае ў звычайным і звычайнае ў незвычайным.
Д.Дзідро


   Фантазія — аснова творчасці. Без ўяўлення чалавек не можа прыдумаць гісторыю, напісаць верш, намаляваць карціну. Толькі адкрываючы свае фантазіі мастацтву, мы можам па-сапраўднаму ўбачыць гэты свет.
   Яркай і захапляльнай, душэўнай і мілагучнай выдалася класная гадзіна ў  7 “В” класе дзяржаўнай  установы адукацыі “Сярэдняя школа № 31 г. Магілева”. Уражаныя сілай  і веліччу архітэктуры, маляўнічасцю жывапісу, узнёсласцю музыкі, душэўнасцю літаратуры вучні паспрабавалі правесці  “перекличку” розных відаў мастацтва. Дзеці  арганічна спалучалі тэматыку і сродкі выразнасці  ў жывапісе  і літаратуры, архітэктуры і музыцы. Атрымалася вельмі цікава і нават нечакана. На думку сямікласнікаў, верш Міколы Шабовіча “Падары мне казку маладога лета” сябруе з карцінай Клода Манэ “Дама, с зонтиком повернувшаяся налево”, лірыка М. Багдановіча гучыць па-новаму пад чароўныя  гукі мелодый С.В. Рахманінава, а вытанчаны і дасканалы вобраз маладой жанчыны ў творчасці мастака В. Сярова арганічна пераплятаецца з вобразам гераіні верша Я. Коласа “Дзяўчыне”.
   Падчас творчай сустрэчы дзеці дэкламавалі любімыя творы паэтаў, лавілі звычайныя і незвычайныя матывы музычных твораў, аналізавалі чарговае выданне “Мастацкай галерэі”.  Спадзяюся, што матэрыялы, падрыхтаваныя сямікласнікамі, паслужаць штуршком да высновы: “Усе віды мастацтва служаць найвялікшаму з мастацтваў — мастацтву жыць на Зямлі”.

Класны кіраўнік 7 “В” класа,
настаўніца беларускай мовы і літаратуры   А.С. Кустава

<< Вернуться на предыдущую страницу