Ты  -  душа  мая,  маё  сэрцайка,
                                                         Рук  матульчыных  цеплыня.
                                                        Мова  родная -  маё  сонейка.
                                                       Маё  прозвішча  і  імя…

4  верасня  2016  года.  Дзень  беларускага  пісьменства  і  друку  ў  гэтым  годзе   адзначаецца  ў  горадзе  Рагачове   Гомельскай  вобласці.
    Ужо   каторы  год  мы  аддаём  даніну  павагі  гэтаму  святу,  святу  слова,  святу  літаратуры,  святу  душы,  святу  жыцця…
    Маштабна  адзначаецца  Дзень  беларускага  пісьменства  ў  нашай  школе.Традыцыйна  афармляецца  інфармацыйны  стэнд,  які  расказвае  пра  гісторыю  свята,  пра  пісьменнікаў- юбіляраў,  пра  неабходнасць  шанаваць мір  і  памятаць,  што  духоўная  культура,  духоўнае  багацце  -  падмурак  шчаслівага  жыцця.
    У  гэтым  годзе   школьная  бібліятэка  арганізавла   шматлікія  конкурсы:  “Прыгадай  літаратурнага  героя” ,”Здагадайся  пра  што  гэта”.
      У  3-4 класах  праводзіліся  вандроўкі  па  старонках  любімых  кніг.
     Вучні  5-8  класах з  задавальненнем  дэкламавалі  вершы  любімых  паэтаў.
     Філасофская  дыскусія  “Кніга ў  маім  жыцці. Права  на  існаванне  ці  неабходнасць?”   прымусіла  старшакласнікаў згадзіцца,  што  пісьменства  -  гэта  сапраўды  цуд,  што  кніга  -  эліксір,  неабходны  для  жыцця  з  усімі  яго  прывеліямі.
        Дзень  беларускага  пісьменства  -  свята,  якое  чакае  кожны  вучань  і  кожны  настаўнік  нашай  школы ,  памятаючы ,  што  мова -  сонейка,  прозвішча  і  імя.