У першы дзень зімовых канікул вучні 5-6-х класаў наведалі выставу-кірмаш музея гісторыі горада Магілева “Анёл, майстар і добрыя справы”.

Вырабы з гліны, вязаныя цацкі, лялькі, паштоўкі – гэта сапраўдныя анёлы з добрай душой, бо зроблены залатымі і цёплымі рукамі магілёўскіх майстроў.

Рабяты пазнаёміліся з гісторыяй жыцця беларускай нацыянальнай цацкі, вытокі якой у глыбокай старажытнасці. Таксама падзівіліся і непаўторным прыёмам сучаснага аздаблення цацак.

Падчас экскурсіі рабяты адчулі сапраўды святочны навагодні настрой, бо ў прасторы выставачнай залы пануе атмасфера дабрыні і любові, радасці і цуду. І гэта не дзіва, бо казка – побач! Яна прыляцела да нас на крылах анёлаў-чарадзеяў, каб зрабіць нас дабрэйшымі, чысцейшымі і мудрэйшымі.

Класны кіраўнік 5 “Г” класа
Аллянкова Наталля Валер’еўна