Могилёвский областной исполнительный комитет МОГИЛЕВСКИЙ
ГОСУДАРСТВЕННЫЙ УНИВЕРСИТЕТ ПРОДОВОЛЬСТВИЯ Могилевский институт МВД Республики Беларусь

І вечная мудрасць паэзіі…

І вечная мудрасць паэзіі…

          Паэзія – чароўны свет, які вабіць, захапляе, інтрыгуе…
          Паэзія – далёкая зорка, прыгожая экзатычная краіна, што ўяўляецца нам у снах ці марах, кліча да сябе, прываблівае ўсіх, хто неабыякавы да прыгожага, узвышанага.
          На літаратурным вечары “І вечная мудрасць паэзіі” гучалі ўрыўкі з балад Тамаша Зана “Свіцязь-возера”, “Цыганка”, з бурлескна-травесційнай літаратуры XIX  стагоддзя “Энеіда навыварат”, “Тарас на Парнасе”, з паэмы Францішака Багушэвіча “Кепска будзе!”. Далёкае і блізкае жыццё XIX  стагоддзя паўставала перад вачыма ўдзельнікаў мерапрыемства. І ўсе асэнсавалі:  “юдзі Божыя” маюць трывалую веру ў дабро.
          Вершы Янкі Купалы, Якуба Колас, Максіма Багдановіча запрашалі ў свет роздуму, захаплення, прыгажосці, пошуку сябе ў такім няпростым, але вельмі вабным свеце.
                        Хто мы такія?
                        Толькі падарожныя, – папутнікі сярод нябёс.
                         Нашто ж на зямлі
                         Сваркі і звадкі, боль і горыч,
                         Калі ўсе мы разам ляцім
                         Да зор?
          Лірызм паэтычных твораў Уладзіміра Дубоўкі не пакінуў ніводнага слухача раўнадушным. Своеасаблівая малітва за Беларусь “О Беларусь, мая шыпшына”, пейзажна-філасофскі верш “Залатая асенняя раніца…”. Вучні прадэманстравалі майстэрства ў  дэкламацыі паэтычных шэдэўраў.
          Асобная старонка была прысвечана любімым творам беларускіх паэтаў-віртуозаў. Гучалі творы пра прыгажосць беларускай прыроды,  пра сілу чыстага, светлага кахання, пра мужнасць і гераізм беларускага народа, пра славутыя старонкі мінулага, разважанні пра сэнс чалавечага жыцця, пра сутнасць асобы … Усё было ад душы, з любоўю, натхнёна.
          Паэзія – гэта тая сіла, што надае жыццю высокі сэнс, робіць яго змястоўным і прывабным, абуджае ў чалавеку нястрымнае памкненне да прыгажосці, гармоніі са светам.           

                                Настаўніца беларускай мовы
і літаратуры Петрачэнка В.С.

Для дальнейшего просмотра ЩЕЛКНИТЕ ПО ФОТО

#sosh31_mogilev #школа31_могилев
#mogilevnews #mogilevtut #mogilev

<< Вернуться на предыдущую страницу