Могилёвский областной исполнительный комитет МОГИЛЕВСКИЙ
ГОСУДАРСТВЕННЫЙ УНИВЕРСИТЕТ ПРОДОВОЛЬСТВИЯ Могилевский институт МВД Республики Беларусь

Захаваць самабытнасць роднага слова

          Беларуская мова вельмі мілагучная. І толькі той ёю добра валодае,  хто адчувае музыку слоў, яе жывую душу.
          Услухайцеся ў крамяністае, звонкае, бы чыстая крыштальная  крынічная вадзіца, народнае слова. І вы пачуеце ў ім гоман бароў, шум палеткаў, посвіст ветру, звон ручаёў, і душэўную, самотную мелодыю простай сялянскай песні, і мудрую казку ласкавай матулі, і баявы кліч мужнага воіна, і горкі плач адзінокай жанчыны… Усё гэта жыве, звініць і адгукаецца ў роднай мове, у родным слове.
            Гэта наша генетычная памяць, вытокі нацыянальнай свядомасці, самабытнасці і непаўторнасці. Захаваць, зберагчы і развіваць разнастайныя  формы традыцыйнай народнай культуры – абавязак кожнага сумленнага чалавека.
          Таму і вядзецца карпатлівая работа па захаванню самабытнасці роднага слова ў дзяржаўнай установе адукацыі “Сярэдняя школа №31 г.Магілёва”.
На працягу тыдня з 19  па 24 лютага праводзіліся разнастайныя цікавыя мерапрыемствы ў рамках Тыдня роднай мовы, які адзначаўся ў сувязі  з Міжнародным днём роднай мовы, які святкуецца штогод 21 лютага, пачынаючы з 2000 года.
            Роднае слова гучала на ўсю моц, натхняючы і акрыляючы, сцвярджаючы: годная нацыя даражыць сваёй роднай мовай – часткай агульнанацыянальцай культуры.

Петрачэнка Валянціна Сяргееўна,
настаўніца беларускай мовы і літаратуры

<< Вернуться на предыдущую страницу